سلو اوور ریٹ پر آئی سی سی کا ایکشن: بھارت اور ویسٹ انڈیز کی ٹیموں پر جرمانہ عائد

بھارت اور ویسٹ انڈیز کے درمیان کھیلی جانے والی سیریز کے تیسرے اور آخری ون ڈے میچ میں سلو اوور ریٹ پر انٹرنیشنل کرکٹ کونسل (آئی سی سی) نے دونوں ٹیموں پر جرمانہ عائد کر دیا ہے۔ میچ ریفری کی جانب سے کیے جانے والے فیصلوں کے مطابق مقررہ وقت میں مطلوبہ اوورز پورے نہ کرنے پر بھارتی ٹیم پر میچ فیس کا 20 فیصد جبکہ ویسٹ انڈیز کی ٹیم پر 10 فیصد جرمانہ عائد کیا گیا ہے۔ میچ کے دوران بھارتی ٹیم مقررہ وقت میں 4 اوورز جبکہ ویسٹ انڈیز کی ٹیم 2 اوورز پیچھے رہ گئی تھی، جس پر ضابطہ اخلاق کے تحت یہ کارروائی کی گئی ہے۔