قزاقوں کا جہاز پر قبضہ، مغوی پاکستانیوں کا حکومت سے فوری مدد کا مطالبہ

بحری جہاز ‘آنر 25’ پر صومالی قزاقوں کے قبضے کے بعد 11 پاکستانیوں کی زندگی خطرے میں پڑ گئی ہے۔ متاثرہ خاندانوں نے وفاقی حکومت اور متعلقہ اداروں سے اپنے پیاروں کی باحفاظت واپسی کے لیے فوری اور عملی اقدامات کرنے کی اپیل کی ہے۔

‘آنر 25’ نامی جہاز 21 اپریل کو عمان سے فجیرہ جا رہا تھا کہ راستے میں بحری قزاقوں نے اسے حملے کے بعد اپنے قبضے میں لے لیا۔ جہاز کے عملے میں شامل 11 پاکستانیوں کے اہلخانہ کا کہنا ہے کہ اغوا کے بعد سے ان کا اپنے پیاروں سے رابطہ مکمل طور پر منقطع ہو چکا ہے، جس کی وجہ سے وہ شدید ذہنی کرب کا شکار ہیں۔
مغویوں کے گھر والوں نے میڈیا سے گفتگو کرتے ہوئے بتایا کہ دو معصوم بچوں (3 سالہ بیٹی اور 4 ماہ کے بیٹے) کے والد ہیں۔
چار بچوں کے کفیل ہیں۔عمران کی دو بیٹیاں جبکہ حسین کے تین بچے اپنے والد کی راہ تک رہے ہیں۔ حسین کا 9 سالہ بیٹا شبیر بھی والد کی واپسی کا منتظر ہے۔
حکومتی خاموشی اور عالمی کوششیںاہلخانہ نے شکوہ کیا ہے کہ انڈونیشیا کی حکومت اپنے کیپٹن کی رہائی کے لیے قزاقوں سے مذاکرات کر رہی ہے، لیکن پاکستانی حکومت کی جانب سے اب تک کوئی خاطر خواہ پیش رفت سامنے نہیں آئی۔ ذرائع کے مطابق، وزارتِ بحری امور کے ڈائریکٹوریٹ آف پورٹ اور جہاز بھیجنے والی ایجنسی بھی تاحال پاکستانی عملے سے رابطہ کرنے میں ناکام رہی ہے۔ اگرچہ گورنر سندھ نے فون پر رابطہ کرکے تعاون کی یقین دہانی کرائی ہے، مگر خاندانوں کا مطالبہ ہے کہ محض تسلیوں کے بجائے عملی طور پر سفارتی اور سکیورٹی کوششیں تیز کی جائیں۔
متاثرہ خاندانوں نے وزیراعظم اور آرمی چیف سے مطالبہ کیا ہے کہ وہ انسانی ہمدردی کی بنیاد پر اس معاملے میں مداخلت کریں اور پاکستانی شہریوں کی بحفاظت وطن واپسی یقینی بنائیں۔