ہاکی ورلڈ کپ: پاکستان اور ویلز کا سنسنی خیز مقابلہ 3-3 گول سے برابر

نیدرلینڈز کے ویگنر ہاکی اسٹیڈیم میں کھیلے گئے ہاکی ورلڈ کپ کے دسویں میچ میں پاکستان اور ویلز کے درمیان مقابلہ 3-3 گول کے برابر رہا۔ میچ میں دونوں ٹیموں کے درمیان سخت مقابلہ دیکھنے میں آیا؛ پاکستان کی جانب سے عبدالرحمان، سفیان خان اور حنان شاہد نے بالترتیب ایک ایک گول اسکور کیا، جبکہ ویلز کی جانب سے گرتھ فرلونگ نے دو اور رائلی بریڈ شا نے ایک گول کر کے میچ برابر کر دیا۔ اس ڈرا کے بعد قومی ٹیم کا اگلے راؤنڈ کے لیے راستہ مزید مشکل ہو گیا ہے۔ پاکستان ٹیم کا اگلا اور انتہائی اہم میچ روایتی حریف بھارت کے خلاف بدھ کو کھیلا جائے گا، جہاں اگلے راؤنڈ تک رسائی کے لیے قومی ٹیم کا جیتنا ہر صورت لازم ہوگا۔