ایرانی شہزادے کی ساس کا 600 ہیروں والا قیمتی ہار چوری

آسٹریا کے دارالحکومت ویانا کے ‘میوزیم آف اپلائیڈ آرٹس’ میں نمائش کے لیے رکھا گیا 600 سے زائد ہیروں اور پلاٹینم سے بنا 40 لاکھ ڈالر سے زائد مالیت کا قیمتی ہار مسلح ملزمان چوری کر کے فرار ہو گئے ہیں۔ چوری ہونے والا یہ تاریخی ہار 1939 میں مصر کی ملکہ نازلی نے اپنی بیٹی فوزیہ کی ایران کے سابق ولی عہد محمد رضا پہلوی سے شادی کے موقع پر پہنا تھا، جسے جیولری کمپنی ‘وان کلیف اینڈ آرپلز’ کی نمائش کا حصہ بنایا گیا تھا۔ پولیس کے مطابق ملزمان نے شیشے کا کیس توڑ کر یہ انمول زیور چرایا اور ویانا شٹاٹ پارک کی جانب فرار ہو گئے۔ پولیس اور بین الاقوامی اداروں کی جانب سے ملزمان کی تلاش جاری ہے، جبکہ یورپی پولیس ادارے ‘یوروپول’ نے خبردار کیا ہے کہ حالیہ دنوں میں یورپ کے عجائب گھروں میں زیورات و نوادرات کی چوری کی پرتشدد وارداتوں میں اضافہ دیکھنے میں آیا ہے۔