حارث رؤف کی نظریں اگلے ماہ ہونے والی ٹرائی نیشن سیریز پر مرکوز

پاکستان کرکٹ ٹیم کے معروف فاسٹ بولر حارث رؤف نے اگلے ماہ سے شروع ہونے والی بین الاقوامی تین ملکی سیریز پر اپنی تمام تر نظریں مرکوز کر لی ہیں۔ پریزیڈنٹ ٹرافی گریڈ ون میں پی ٹی وی کی نمائندگی کرنے والے حارث رؤف نے پاکستان کرکٹ بورڈ (پی سی بی) سے گفتگو کرتے ہوئے کہا کہ ڈومیسٹک میں چار روزہ کرکٹ کھیلنے سے انہیں تین ملکی سیریز کی تیاری میں بھرپور مدد ملے گی۔ انہوں نے کہا کہ یہاں بہترین بالنگ کر کے ردہم حاصل کرنا ان کا بنیادی ہدف ہے تاکہ وہ آنے والی انٹرنیشنل سیریز میں قومی ٹیم کے لیے شاندار کارکردگی کا مظاہرہ کر سکیں۔

حارث رؤف نے چار روزہ (ریڈ بال) کرکٹ کی اہمیت پر زور دیتے ہوئے کہا کہ یہ فارمیٹ فاسٹ بالرز کے لیے انتہائی ضروری ہے کیونکہ اس سے بالرز کو اپنی لائن اور لینتھ پر محنت کرنے اور اپنی کارکردگی میں نکھار لانے کا بہترین موقع ملتا ہے۔ واضح رہے کہ پاکستان، انگلینڈ اور سری لنکا کے درمیان سہ ملکی ٹی ٹوئنٹی سیریز اگلے ماہ سے راولپنڈی کرکٹ اسٹیڈیم اور قذافی اسٹیڈیم لاہور میں شیڈول ہے۔ سیریز کے انتظامات کے جائز کے لیے انگلینڈ کرکٹ بورڈ (ECB) کا سیکیورٹی وفد بھی پاکستان کا دورہ کر چکا ہے، جس نے پاکستان میں سیکیورٹی انتظامات پر کامل اطمینان کا اظہار کرتے ہوئے کہا ہے کہ برطانوی ٹیم پاکستان میں کھیلنے کے لیے انتہائی پرجوش ہے۔