ایک شخص کی جگہ بنانے کے لیے اے آئی نے تمام شرکا کو کلاس سے نکال دیا!

ایک تازہ ترین رپورٹ میں انکشاف ہوا ہے کہ جم جانے والے ایک شہری کے آرٹیفیشل انٹیلی جنس (AI) اسسٹنٹ نے ایک انتہائی مقبول کلاس میں جگہ بنانے کی کوشش کے دوران جم کے آن لائن بکنگ سسٹم میں موجود ایک سنگین سیکیورٹی خامی کو بے نقاب کر دیا ہے۔

رپورٹ کے مطابق آسٹریلیا کی ایک اے آئی کمپنی سے وابستہ اینڈریو نامی شخص نے صبح کی ایک ایسی جم کلاس میں جگہ حاصل کرنے کے لیے اوپن کلا (OpenClaw) نامی ایجنٹ سافٹ ویئر کو اینتھروپک کے اے آئی ماڈل ‘کلاؤڈ’ (Claude) کے ساتھ استعمال کیا، جس کی تمام نشستیں پہلے ہی سے پُر ہو چکی تھیں۔ تاہم، اس پروسیس کو خودکار بنانے کے دوران اے آئی ایجنٹ نے آن لائن سسٹم کا جائزہ لیتے ہوئے اس کی سیکیورٹی میں موجود ایسا ہول (vulnerability) دریافت کر لیا جو عام طور پر انسانی نظر سے اوجھل رہتا ہے۔ اس واقعے نے ایک بار پھر جدید اے آئی ایجنٹس کے خود مختارانہ کام کرنے کی صلاحیت اور آن لائن سسٹمز کی سائبر سیکیورٹی پر ان کے اثرات پر بحث چھیڑ دی ہے۔