چین: 60 میٹر بلند چٹان پر قائم دنیا کا خطرناک ترین کیفے متعارف

اگر آپ کو مہم جوئی اور کافی دونوں پسند ہیں، تو چین کے صوبے فوجیان میں واقع “گوشی کلف کافی” آپ کے لیے بہترین جگہ ہے۔ سطح سمندر سے 60 میٹر کی بلندی پر ایک عمودی چٹان کے ساتھ لٹکے ہوئے مستطیل پلیٹ فارمز پر بیٹھ کر کافی پینا کسی ایڈونچر سے کم نہیں۔ 2004 سے قائم یہ کیفے سوشل میڈیا پر وائرل ہونے کے بعد اب دنیا بھر کے سیاحوں کی توجہ کا مرکز بن چکا ہے۔ یہاں تک پہنچنے کے لیے سیاحوں کو 30 منٹ کی دشوار گزار ٹریل عبور کرنی پڑتی ہے، جس کے بعد رسیوں کی مدد سے انہیں نیچے بنے ہوئے پلیٹ فارم تک اتارا جاتا ہے۔