لاکھوں سال پرانے قدیم ترین لکڑی کے اوزار دریافت

یونان کے Megalopolis علاقے میں ماہرین آثار قدیمہ کو لکڑی کے دو اوزار ملے ہیں جو دنیا کے قدیم ترین لکڑی کے ٹولز قرار دیے جا سکتے ہیں۔

ان میں سے ایک 80 سینٹی میٹر لمبی پتلی چھڑی ہے جو ممکنہ طور پر کیچڑ کھودنے کے لیے استعمال ہوتی ہوگی، جبکہ دوسرا اوزار پتھروں کے ٹولز کو تیز کرنے میں مددگار ہو سکتا ہے۔

تحقیق کے مطابق لکڑی کے اوزار محفوظ رکھنا بہت مشکل ہے کیونکہ لکڑی جلد خراب ہو جاتی ہے، مگر یہ اوزار تلچھٹ میں دفن اور نم ماحول کی وجہ سے محفوظ رہے۔

ابھی تک انسانی باقیات دریافت نہیں ہوئیں، اس لیے یہ واضح نہیں کہ ان اوزاروں کو Neanderthals یا ابتدائی انسانی آباؤ اجداد استعمال کرتے تھے۔

یہ دریافت جرنل Proceedings of the National Academy of Sciences میں شائع ہوئی۔ سائنسدانوں کا کہنا ہے کہ اس مقام پر مزید قدیم نوادرات دریافت ہونے کے امکانات موجود ہیں۔