عالمی و مقامی سطح پر سونے کے ریٹس پھر بڑھ گئے

عالمی اور مقامی صرافہ بازاروں میں سونے اور چاندی کی قیمتوں میں ایک بار پھر نمایاں اضافہ ریکارڈ کیا گیا ہے۔ آل پاکستان صرافہ ایسوسی ایشن کے جاری کردہ اعداد و شمار کے مطابق 24 قیراط فی تولہ سونے کی قیمت میں 3,000 روپے کا اضافہ ہوا ہے، جس کے بعد اس کی نئی قیمت 4,30,436 روپے ہو گئی ہے۔ اسی طرح 10 گرام سونا 2,572 روپے مہنگا ہو کر 3,69,029 روپے کی سطح پر پہنچ گیا ہے۔ جبکہ 24 قیراط فی تولہ چاندی کے بھاؤ میں 79 روپے کا اضافہ دیکھا گیا جس سے اس کا ریٹ 6,294 روپے ہو گیا۔ دوسری جانب بین الاقوامی بلین مارکیٹ میں بھی فی اونس سونا 30 ڈالر کے اضافے کے بعد 4,080 ڈالر کا ہو گیا ہے۔