عالمی و مقامی گولڈ مارکیٹس میں آج سونے کی قیمتیں برقرار

عالمی اور مقامی صرافہ بازاروں میں آج سونے کی قیمتیں بغیر کسی تبدیلی کے مستحکم رہیں، جبکہ چاندی کی قیمت میں کمی ریکارڈ کی گئی ہے۔

آل صرافہ مارکیٹ اینڈ جیولرز ایسوسی ایشن کی جانب سے جاری کردہ اعداد و شمار کے مطابق 24 قیراط فی تولہ سونے کی قیمت بغیر کسی رد و بدل کے 4 لاکھ 61 ہزار 936 روپے پر برقرار رہی۔ اسی طرح 10 گرام سونے کی قیمت بھی 3 لاکھ 96 ہزار 035 روپے کی سطح پر مستحکم رہی ہے۔

دوسری جانب چاندی کی قیمتوں میں کمی کا رجحان دیکھنے میں آیا، جہاں فی تولہ چاندی 43 روپے سستی ہو کر 6 ہزار 986 روپے کی سطح پر آگئی ہے۔بین الاقوامی مارکیٹ کے بلین بازار میں بھی سونے کی تجارتی سرگرمیوں کے دوران قیمت مستحکم رہی، جہاں فی اونس سونا بغیر کسی بڑی تبدیلی کے 4,395 ڈالر پر برقرار رہا۔