عالمی و مقامی مارکیٹس میں ایک دن کے اضافے کے بعد سونا پھر سستا

عالمی اور مقامی صرافہ مارکیٹس میں ایک روز کے اضافے کے بعد سونے کی قیمتوں میں نمایاں کمی ریکارڈ کی گئی ہے۔ آل پاکستان صرافہ ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی قیمتیں نیچے آ گئی ہیں۔

مقامی مارکیٹ میں 24 قیراط فی تولہ سونا 2,100 روپے سستا ہو کر 4 لاکھ 50 ہزار 936 روپے پر آ گیا ہے، جبکہ دس گرام سونے کی قیمت میں 1,800 روپے کی کمی واقع ہوئی ہے جس کے بعد دس گرام سونا 3 لاکھ 86 ہزار 604 روپے کا ہو گیا ہے۔ دوسری جانب قیمتی دھاتوں کی بین الاقوامی مارکیٹ میں بھی مندی کا رجحان دیکھا گیا جہاں فی اونس سونا 21 ڈالر سستا ہو کر 4,284 ڈالر کا ہو گیا ہے۔

سونے کے ساتھ ساتھ چاندی کے نرخ میں بھی کمی ریکارڈ کی گئی ہے، اور فی تولہ چاندی کی قیمت 60 روپے گر کر 6 ہزار 906 روپے ہو گئی ہے۔