مسلسل سات روزہ اضافے کے بعد سونے کی قیمتوں میں بڑی کمی، فی تولہ 3500 روپے سستا

کراچی میں سونے کی قیمتوں میں مسلسل سات دنوں تک جاری رہنے والے اضافے کے سلسلے کو بریک لگ گئی ہے اور قیمتوں میں نمایاں کمی ریکارڈ کی گئی ہے۔ صرافہ مارکیٹ کے مطابق فی تولہ سونا 3,500 روپے سستا ہو کر 4 لاکھ 60 ہزار 436 روپے کی سطح پر آ گیا ہے، جبکہ 10 گرام سونے کی قیمت بھی 3,001 روپے کی گراوٹ کے بعد 3 لاکھ 94 ہزار 749 روپے ہو گئی ہے۔

اسی طرح عالمی صرافہ مارکیٹ میں بھی سونے کے نرخوں میں سستی دیکھی گئی، جہاں فی اونس سونا 35 ڈالر کی کمی کے بعد 4,380 ڈالر کی سطح پر آ گیا ہے۔ عالمی مارکیٹ کے اثرات مقامی سطح پر چاندی کی قیمتوں پر بھی مرتب ہوئے، جس کے نتیجے میں چاندی کی فی تولہ قیمت 175 روپے کم ہو کر 6,936 روپے کی سطح پر بند ہوئی۔