مقامی مارکیٹ میں سونے کی قیمت میں 24 ہزار روپے کا بڑا اضافہ

مقامی صرافہ مارکیٹ میں سونے کی قیمت میں بڑا اضافہ ریکارڈ کیا گیا ہے، جس کے بعد فی تولہ سونا 24 ہزار روپے مہنگا ہو کر 5 لاکھ 14 ہزار 362 روپے تک پہنچ گیا ہے۔

اسی طرح 10 گرام سونے کی قیمت میں 20 ہزار 576 روپے کا اضافہ ہوا، جس کے بعد دس گرام سونا 4 لاکھ 40 ہزار 982 روپے میں فروخت ہو رہا ہے۔

عالمی مارکیٹ میں بھی سونے کی قیمت میں نمایاں اضافہ دیکھا گیا، جہاں فی اونس سونا 240 ڈالر بڑھ کر 4 ہزار 916 ڈالرز پر پہنچ گیا ہے۔

دوسری جانب چاندی کی قیمت میں بھی اضافہ ریکارڈ کیا گیا ہے۔ مقامی مارکیٹ میں فی تولہ چاندی 741 روپے مہنگی ہو کر 9 ہزار 146 روپے کی سطح پر پہنچ گئی، جبکہ 10 گرام چاندی کی قیمت 636 روپے اضافے کے بعد 7 ہزار 841 روپے ہو گئی ہے۔

عالمی مارکیٹ میں فی اونس چاندی کی قیمت 86.71 ڈالرز ریکارڈ کی گئی ہے۔