عالمی منڈی: سونے کی قیمت میں کمی، خام تیل کی قیمت 5 ماہ کی بلند سطح پر

عالمی منڈی میں سونے کی قیمت گر گئی،جبکہ خام تیل کی قیمتوں میں اضافہ ریکارڈ کیا گیا ہے۔سونے کی قیمت میں ریکارڈ اضافے کے بعد ایک ہی دن میِں 4 فیصد سے زائد کمی دیکھی گئی اور یہ 5 ہزار ایک سو پچاس ڈالر فی اونس پر آگئی۔سونے کی قیمت 5 ہزار پانچ سو چورانوے ڈالر کی ریکارڈ سطح سے نیچے آئی ہے۔دوسری جانب عالمی منڈی میں خام تیل کی قیمتیں 4 فیصد بڑھ کر 5 ماہ کی بلند سطح پر آگئیں۔برینٹ خام تیل اکہتر جبکہ ڈبلیو ٹی آئی خام تیل پینسٹھ اعشاریہ پانچ چھ ڈالر فی بیرل کی سطح پر موجود ہے۔