مشرق وسطیٰ میں غیریقینی صورتحال، عالمی منڈی میں خام تیل کی قیمتیں مزید بڑھ گئیں

مشرقِ وسطیٰ میں جاری کشیدگی اور آبنائے ہرمز میں جہاز رانی سے متعلق پیدا ہونے والے خدشات کے باعث عالمی منڈی میں خام تیل کی قیمتوں میں اضافے کا سلسلہ بدستور جاری ہے اور قیمتیں تین ہفتوں کی بلند ترین سطح کے قریب پہنچ گئی ہیں۔ عالمی مارکیٹ میں برینٹ خام تیل 0.16 ڈالر کے اضافے کے ساتھ 91.03 ڈالر فی بیرل جبکہ امریکی خام تیل (WTI) 0.53 ڈالر بڑھ کر 85.03 ڈالر فی بیرل ہو گیا ہے۔ امریکا اور ایران کے درمیان مذاکرات میں پیش رفت کے کم امکانات اور تیل کی ترسیل میں طویل رکاوٹ کی تشویش نے سپلائی سے متعلق تحفظات کو بڑھا دیا ہے، جس پر ماہرین کا کہنا ہے کہ خطے میں کشیدگی برقرار رہنے کی صورت میں قیمتوں پر مزید دباؤ آ سکتا ہے