ایک شخص کا فون گرنے پر پانڈا نے اسے واپس کرنے سے انکار کر دیا

چین کے صوبے سیچوان میں ایک انوکھا واقعہ پیش آیا جہاں 3 سالہ پانڈا نے انسانوں کی طرح اسمارٹ فون کی لت کا مظاہرہ کیا۔ 22 فروری کو ایک سیاح کا فون حادثاتی طور پر پانڈا کے انکلوژر میں گر گیا، جسے پانڈا نے فوری طور پر کسی نئے کھلونے کی طرح اچک لیا۔ دلچسپ بات یہ ہے کہ پانڈا فون کو اس طرح پکڑے رہا جیسے وہ اپنی سیلفی لینے کی کوشش کر رہا ہو۔ پانڈا بیس کے عملے نے اسے پسندیدہ غذا “گاجر” کا لالچ بھی دیا، مگر اس نے کھانا تو کھا لیا لیکن فون واپس کرنے پر آمادہ نہ ہوا۔ کئی گھنٹوں کی مشقت کے بعد جب پانڈا فون سے اکتا گیا، تب کہیں جا کر عملہ اسے واپس حاصل کرنے میں کامیاب ہوا۔