کلینک میں چوری کی کوشش ناکام، چور شٹر میں پھنس گیا
Web Desk
14 April 2026
بھارتی ریاست اتر پردیش کے شہر غازی آباد میں چوری کی ایک ایسی انوکھی واردات پیش آئی ہے جس نے سوشل میڈیا صارفین کو حیرت میں ڈال دیا ہے۔ رپورٹس کے مطابق، ایک چور نے رات کی تاریکی میں امراضِ قلب کے ماہر (کارڈیالوجسٹ) کے کلینک میں نقب لگانے کی کوشش کی، لیکن قسمت نے ساتھ نہ دیا اور وہ کلینک کے شٹر اور دیوار کے درمیان تنگ جگہ میں بری طرح پھنس گیا۔ واقعے کی ویڈیو وائرل ہونے کے بعد صارفین اسے “دنیا کی ناکام ترین چوری” قرار دے رہے ہیں۔
عینی شاہدین اور پولیس کے مطابق، چور نے چھت کے راستے کلینک میں داخل ہونے کی منصوبہ بندی کی تھی، تاہم اندر گھستے ہوئے اس کی گردن شٹر کے درمیان پھنس گئی۔ کافی دیر تک خود کو چھڑانے کی ناکام کوششوں کے بعد جب اس کی جان پر بن آئی، تو اس نے مجبوراً شٹر پر لاتیں مار کر شور مچانا شروع کر دیا تاکہ کوئی اسے نکال سکے۔ شور سن کر قریبی لوگ جمع ہو گئے جنہوں نے فوری طور پر پولیس کو اطلاع دی۔
پولیس نے صورتحال کی نزاکت کو دیکھتے ہوئے ریسکیو ٹیم اور فائر فائٹرز کو طلب کیا۔ فائر بریگیڈ کے عملے نے خصوصی آلات اور کٹر کی مدد سے شٹر کا کچھ حصہ کاٹا اور کئی گھنٹوں کی جدوجہد کے بعد چور کو بحفاظت باہر نکالا۔ پولیس نے ملزم کو حراست میں لے کر ابتدائی طبی امداد کے لیے سرکاری ہسپتال منتقل کر دیا ہے، جہاں اس کی حالت خطرے سے باہر بتائی جاتی ہے۔ پولیس کا کہنا ہے کہ ملزم کے خلاف چوری کی کوشش اور دیگر دفعات کے تحت مقدمہ درج کر لیا گیا ہے۔
متعلقہ عنوانات
امریکا میں ہوٹل نے کیک کاٹنے کے 30 ہزار روپے سے زائد چارج کرلیے
20 May 2026
جب ایک ڈرائیور نے گاڑی کو جھیل میں چلانے کی کوشش کی، ویڈیو وائرل
20 May 2026
امریکا: خوش قسمت شہری نے سالگرہ کی مدد سے ہزاروں ڈالر جیت لیے
20 May 2026
روس کی خلائی راکٹوں پر اشتہارات چھاپ کر کمائی شروع
20 May 2026
بھارت میں نشئی ٹاور پر چڑھ گیا، دلچسپ فرمائش کرڈالی
19 May 2026
کینیڈا: چوری میں ملوث لومڑی پکڑی گئی
19 May 2026
خاتون کے ہاں پانچ دن میں چار بچوں کی پیدائش، ڈاکٹر بھی حیران رہ گئے
19 May 2026
حکومت کا انوکھا منصوبہ، والدین کو تیسرے اور چوتھے بچے کی پیدائش پر نقد انعام ملے گا
18 May 2026