فرانس کے کسانوں کا دارالحکومت پیرس میں منفرد احتجاج

پیرس: فرانس میں کسانوں نے یورپی یونین اور جنوبی امریکی تجارتی بلاک مرکوسور کے درمیان مجوزہ تجارتی معاہدے کے خلاف شدید احتجاج کرتے ہوئے دارالحکومت پیرس کا رخ کر لیا۔

خبر رساں ادارے بی ایف ایم ٹی وی کے مطابق منگل کی صبح تقریباً 350 ٹریکٹر مختلف موٹرویز کو بلاک کرنے کے بعد قافلوں کی صورت میں پیرس میں داخل ہوئے۔ مظاہرین کا کہنا ہے کہ مرکوسور معاہدہ فرانسیسی زرعی شعبے کے لیے نقصان دہ ثابت ہوگا۔

فرانس کی سب سے بڑی زرعی یونین ایف این ایس ای اے کے نائب صدر لوک سمیسارٹ نے کہا کہ کسانوں کے مطالبات تسلیم کیے جانے تک احتجاج جاری رہے گا اور اگر وزیر اعظم سے ملاقات نہ ہوئی تو احتجاج غیر معینہ مدت تک بڑھایا جا سکتا ہے۔