لارڈز ٹیسٹ: امام الحق پر جعلی انجری کا الزام

سابق چیف سلیکٹر محمد وسیم نے اوپننگ بیٹر امام الحق پر ‘جعلی انجری’ اور ڈرامے بازی کا سنگین الزام عائد کر دیا ہے۔ رپورٹس کے مطابق امام الحق نے پنڈلی میں تکلیف کی شکایت کی تھی تاہم پی سی بی کے سکین میں صرف معمولی کھنچاؤ رپورٹ ہوا۔ میدان میں ڈرتے ڈرتے آنا، سٹرائیک ڈیبیو کرنے والے نوجوان بیٹر اذان اویس کو تھمانا اور معمولی چوٹ کو بہانا بنانا امام الحق کے لیے کرکٹ حلقوں کی جانب سے شدید تنقید کا سبب بن رہا ہے۔ سابق چیف سلیکٹر کے مطابق تجربہ کار ہونے کے باوجود انہوں نے اہم موقعوں پر پہلی گیند فیس نہیں کی اور ناتجربہ کار کھلاڑی کو آگے کر دیا۔ واضح رہے کہ گزشتہ 8 ٹیسٹ میچوں کی دوسری اننگز میں امام الحق کا ریکارڈ بھی انتہائی مایوس کن رہا ہے جہاں وہ صرف 5.5 کی اوسط سے 45 رنز بنا سکے جبکہ فیلڈنگ میں بھی اہم کیچز چھوڑے۔