کراچی میں بونداباندی، لاہور سمیت مختلف شہروں میں بارش کی پیشگوئی

محکمہ موسمیات نے لاہور میں 21 اور 22 دسمبر کو ہلکی بارش کی پیشگوئی کردی جس سے شہر میں سردی کی نئی لہر متوقع ہے۔

محکمہ موسمیات کے مطابق کراچی میں آئندہ ایک سے دو روز تک سردی کی شدت کم رہے گی، 2 روز کے دوران موسم جزوی سے مکمل ابرآلود رہنے کے ساتھ بونداباندی متوقع ہے، شہرمیں موسم اس وقت سرد اور خشک ہے۔محکمہ موسمیات کے مطابق آج مغربی ہواؤں کا سلسلہ بلوچستان میں داخل ہو گا، کوئٹہ سمیت دیگر شہروں میں سرد ہوائیں چلنے سے کراچی میں سردی کی شدت میں اضافے کا امکان ہے۔پی ڈی ایم اے کے مطابق 19 سے20 دسمبر کے درمیان مغربی ہواؤں کا سلسلہ بلوچستان میں داخل ہو گا، کئی اضلاع میں بارش اور پہاڑی علاقوں میں برفباری کا امکان ہے