محسن رضائی نے ٹرمپ کے ایران کیخلاف جنگ میں فتح کے دعوؤں کو مسترد کر دیا

ایرانی سپریم نیشنل سکیورٹی کونسل کے سیکرٹری محسن رضائی نے امریکی صدر ڈونلڈ ٹرمپ کی جانب سے ایران کے خلاف جنگ میں فتح حاصل کرنے کے دعووں کو شدید تنقید کا نشانہ بناتے ہوئے مکمل طور پر مسترد کر دیا ہے۔ انہوں نے واضح کیا کہ محض زبانی دعوے کرنے سے تاریخی حقیقت تبدیل نہیں ہوتی، کیونکہ زمینی حقائق کا تعین ایران کے عوام، اس کی مسلح افواج اور اس کی میزائل صلاحیتوں سے ہو رہا ہے۔

سماجی رابطے کی ویب سائٹ (ایکس) پر اپنے جاری کردہ بیان میں محسن رضائی نے سخت موقف اختیار کرتے ہوئے کہا کہ پے در پے ناکامیوں کے باوجود امریکی صدر صرف کھوکھلے دعوے کر رہے ہیں اور ان کے الفاظ ان کے اپنے خیالی تصورات سے بھی آگے نکل چکے ہیں۔ انہوں نے طنز کرتے ہوئے کہا کہ ٹرمپ چاہیں تو اپنی خیالی دنیا میں ہر روز نئی فتح کا جشن منا سکتے ہیں، لیکن حقیقی دنیا میں ایران اپنے دفاع اور خودمختاری کے لیے مکمل طور پر تیار اور مضبوط کھڑا ہے