پاسداران انقلاب کا چابہار بندرگاہ کے قریب مبینہ دہشت گرد سیل تباہ کرنے کا دعویٰ

ایران کی پاسدارانِ انقلاب (IRGC) نے سیستان و بلوچستان کے ساحلی شہر چابہار کی بندرگاہ کے قریب ایک مبینہ دہشت گرد سیل کو تباہ کرنے کا دعویٰ کیا ہے۔ پاسدارانِ انقلاب کی جانب سے جاری بیان کے مطابق ایک کامیاب سیکیورٹی آپریشن کے دوران کم از کم 2 دہشت گرد ہلاک کر دیے گئے ہیں، جبکہ موقع سے فرار ہونے والے دیگر عناصر کا تعاقب جاری ہے۔

حکام کے مطابق ملزمان کی پناہ گاہ سے بھاری مقدار میں جدید اسلحہ، گولہ بارود اور مواصلات کے لیے استعمال ہونے والی ایک “سٹار لنک” (Starlink) سیٹلائٹ انٹرنیٹ ڈیوائس بھی برآمد کی گئی ہے۔ سیکیورٹی فورسز نے علاقے کو گھیرے میں لے کر سرچ آپریشن مزید تیز کر دیا ہے تاکہ فرار ہونے والے دہشت گردوں کو جلد از جلد گرفتار کیا جا سکے۔