دوران پرواز کپتان پر حملہ کرنے والا شریک پائلٹ انتہا پسند تھا: امریکی اخبارکا دعویٰ

ایک امریکی اخبار نے سنسنی خیز انکشاف کرتے ہوئے دعویٰ کیا ہے کہ دورانِ پرواز کپتان پر چاقو سے حملہ کرنے والا اماراتی ایئر لائن کا عمانی فرسٹ آفیسر (شریک پائلٹ) شدّت پسند اور انتہا پسندانہ نظریات کا حامل تھا۔ رپورٹ کے مطابق سلطنت عمان نے انہی انتہا پسندانہ رجحانات کی بنا پر اپنے اس پائلٹ پر پرواز کرنے پر پابندی عائد کر رکھی تھی۔

اخبار کے مطابق اماراتی ایئر لائن نے سلطنت عمان کی جانب سے عائد کردہ اس پابندی اور انتباہ کے باوجود مذکورہ عمانی پائلٹ کو نہ صرف ملازمت دی بلکہ اسے امارات اور اسرائیل کے انتہائی حساس روٹ کی پرواز پر تعینات بھی کر دیا تھا۔ اس انکشاف کے بعد ایوی ایشن سیکٹر میں سیکورٹی پروٹوکولز اور پائلٹوں کی بیک گراؤنڈ کلیئرنس پر شدید سوالات اٹھائے جا رہے ہیں۔