پانچ چیزیں جو کبھی بھی آپ کے خواب میں نظر نہیں آتیں
Web Desk
20 November 2025
خواب اکثر عجیب و غریب ہوتے ہیں۔ کہیں آپ اُڑ رہے ہوتے ہیں تو کبھی خود کو اچانک کسی مشکل میں گھرا پاتے ہیں۔ خوابوں میں ہمیں کئی طرح کی چیزیں اور مناظر دیکھتے کو ملتے ہیں، لیکن ایک دلچسپ حقیقت یہ بھی ہے کہ کچھ چیزیں ایسی ہیں جو کبھی خوابوں میں دکھائی نہیں دیتیں، چاہے وہ ہماری روزمرہ زندگی کا لازمی حصہ ہی کیوں نہ ہوں۔ ماہرین کے مطابق پانچ چیزیں تقریباً ہر خواب میں غائب رہتی ہیں، اور ان میں سب سے حیران کن چیز ہمارے اسمارٹ فونز ہیں۔ برطانوی آن لائن جریدے ”ڈیلی میل“ کی رپورٹ کے مطابق ایک تحقیق میں 16 ہزار افراد کے خوابوں کا جائزہ لیا گیا، جس میں معلوم ہوا کہ خواتین کے خوابوں میں فون صرف 3 فیصد اور مردوں کے خوابوں میں صرف 2 فیصد ہی دکھائی دیتے ہیں۔ ماہرین کا کہنا ہے کہ دماغ خواب کو ارتقائی طور پر خطرات اور جذبات کی عکاسی کے لیے تیار کرتا ہے، جدید ٹیکنالوجی کے لیے نہیں۔ نیند اور خواب کی محقق ڈاکٹر کیلی بولکی کے مطابق خوابوں میں دماغ زیادہ تر جذبات، تعلقات اور تخلیقی مناظر پر توجہ دیتا ہے، جبکہ روزمرہ کی چھوٹی تفصیلات جیسے کمپیوٹر یا فون استعمال کرنا غائب ہو جاتی ہیں۔ اس محدودیت کا دائرہ اسمارٹ فون تک نہیں، بلکہ لکھائی، خوشبو اور ذائقے بھی خوابوں میں شاذ و نادر ہی نظر آتے ہیں۔ گہری نیند کے دوران زبان اور حواس کے مراکز کم فعال ہوتے ہیں، جس کی وجہ سے خوابوں میں یہ چیزیں بہت کم شامل ہوتی ہیں۔ سب سے پراسرار پہلو آئینے میں عکس ہے۔ خواب میں آئینہ دیکھا جا سکتا ہے، لیکن آپ کا عکس عموماً مبہم، بدلا ہوا یا کسی اور شخص کی شکل میں ہوتا ہے۔ آپ خود کو کسی اور عمر یا غیر معمولی شکل میں پاتے ہیں، اور یہ حقیقت خوابوں کو مزید پراسرار اور خوفناک بنا دیتی ہے۔
متعلقہ عنوانات
کیڑوں کو ملا کر تیار کیا گیا انوکھا بسکٹ
18 May 2026
56 سالہ نیپالی کوہ پیما نے 32 ویں بار ماؤٹ ایورسٹ سر کرکے نیا ریکارڈ بنا ڈالا
18 May 2026
برسوں سے میوزیم میں کھڑی گاڑی کو بغیر حرکت کیے ٹریفک جرمانے کا ٹکٹ موصول
16 May 2026
امریکا: فیفا ورلڈ کپ کی خوشی میں دنیا کی سب سے بڑی فٹبال بنانے کا اعلان
16 May 2026
نوجوان دِکھنے والا ادھیڑ عمر چینی اداکار سوشل میڈیا پر وائرل
16 May 2026
جمہوریہ چیک کے چرچ سے سینٹ کی 800 برس پرانی کھوپڑی چوری
15 May 2026
جیل میں زندگی گزارنے کا تجربہ حاصل کرنے کی پیشکش
15 May 2026
پرندے مردوں سے زیادہ عورتوں سے ڈرتے ہیں: تحقیق میں دلچسپ انکشاف
15 May 2026