7 ہزار سے زائد کمروں پر مشتمل دنیا کا سب سے بڑا ہوٹل

جینٹنگ ہائی لینڈز: ملائیشیا کے صوبے پاہانگ میں، دارالحکومت کوالالمپور سے محض 50 کلومیٹر دور، سطح سمندر سے بلندی پر واقع ‘فرسٹ ورلڈ ہوٹل’ سیاحت کی دنیا کا ایک عجوبہ ہے۔ 2006 میں جب اس کا افتتاح ہوا تو یہ 6118 کمروں کے ساتھ دنیا کا سب سے بڑا ہوٹل تھا، تاہم دو سال بعد لاس ویگاس کے ‘دی وینی شین’ نے اس سے یہ اعزاز چھین لیا۔

ملائیشین ریزورٹ نے ہار نہ مانی اور 2015 میں دوسرے ٹاور کی تعمیر کے بعد مجموعی طور پر 7351 کمروں کے ساتھ دوبارہ دنیا کے سب سے بڑے ہوٹل کا تاج اپنے سر سجا لیا، جو آج بھی اس کے پاس ہے۔ ‘جینٹنگ گروپ’ کی ملکیت یہ ہوٹل جنوب مشرقی ایشیا کے لاکھوں سیاحوں کی پسندیدہ منزل ہے۔