سال 2026 کا پہلا بلڈ مون کب نمودار ہوگا؟

فلکیاتی دنیا کا ایک دلکش منظر 3 مارچ 2026 کو رونما ہونے جا رہا ہے جب زمین کا سایہ چاند کو مکمل طور پر ڈھانپ لے گا۔ محکمہ موسمیات کے مطابق ‘خونی چاند’ کا یہ عمل دوپہر 1:44 بجے شروع ہوگا اور شام 4:34 بجے اپنے عروج پر ہوگا۔ اس دوران سورج کی روشنی زمین کے کرہ ہوائی سے گزرتے ہوئے بکھر جائے گی جس سے چاند سرخی مائل نارنجی رنگ اختیار کر لے گا۔ ماہرین کا کہنا ہے کہ یہ پاکستان میں اگلے چند سالوں تک دیکھا جانے والا آخری مکمل چاند گرہن ہوگا، کیونکہ اگلا ایسا واقعہ اب 31 دسمبر 2028 سے قبل متوقع نہیں ہے۔