فیفا ورلڈ کپ گروپ مرحلے کا آخری روز، 28 ٹیمیں ناک آؤٹ مرحلے میں پہنچ گئیں

فیفا ورلڈ کپ کے گروپ مرحلے کا آج آخری روز ہے، جس میں 6 اہم میچز کھیلے جائیں گے۔ ایونٹ میں اب تک 28 ٹیمیں راؤنڈ آف 32 کے لیے کوالیفائی کر چکی ہیں، جبکہ آخری 4 ٹیموں کا فیصلہ آج کے میچز کے بعد ہوگا۔

گزشتہ روز کھیلے گئے میچوں میں دلچسپ مقابلے دیکھنے میں آئے۔ ایران اور مصر کا میچ 1-1 سے برابر رہا، تاہم ایران کے آخری لمحات میں کیے گئے گول کو آف سائیڈ قرار دینے پر سوشل میڈیا پر شائقین نے کڑی تنقید کی۔ دیگر میچوں میں فرانس نے ناروے کو 1-4 سے شکست دی، جس میں عثمان ڈیمبیلے نے شاندار ہیٹ ٹرک اسکور کی۔ سینیگال نے عراق کو 0-5 سے آؤٹ کلاس کیا، جبکہ سپین نے یوروگوئے کو 0-1 سے ہرا دیا۔ سعودی عرب اور کیپ ورڈی کا میچ گول ہوئے بغیر برابر رہا، جس کے ساتھ ہی کیپ ورڈی ناک آؤٹ مرحلے میں پہنچنے والا تاریخ کا سب سے چھوٹا ملک بن گیا ہے۔ آج کے اہم میچوں میں پاناما کا مقابلہ انگلینڈ سے اور کروشیا کا گھانا سے جاری ہے۔ اس کے علاوہ کولمبیا بمقابلہ پرتگال، ڈی آر کانگو بمقابلہ ازبکستان، الجزائر بمقابلہ آسٹریا اور اردن کا مقابلہ ارجنٹینا سے ہوگا۔