لگژری گاڑیوں کی درآمد میں شفافیت: ایف بی آر نے انڈر انوائسنگ روکنے کا بڑا اقدام

فیڈرل بورڈ آف ریونیو (ایف بی آر) نے لگژری گاڑیوں کی درآمد میں انڈر انوائسنگ کے خلاف اہم اقدام اٹھاتے ہوئے ترمیمی کسٹمز جنرل آرڈر جاری کر دیا ہے۔

اب درآمد کی گئی گاڑیوں کی قیمت مقامی ایجنٹس کے بجائے مینوفیکچرر کی جانب سے سرٹیفائی کی جائے گی۔ مقامی ڈیلرز سے قیمت کے سرٹیفکیٹ اور اضافی فیس کی شرط ختم کر دی گئی ہے، جس سے ٹیکس وصولی میں شفافیت بڑھے گی اور ٹیکس چوری کی روک تھام ممکن ہوگی۔

ایف بی آر کے اس اقدام سے یورپی اور بڑی استعمال شدہ لگژری گاڑیوں کی درآمد پر اثر پڑ سکتا ہے، تاہم امپورٹرز کو مقامی ڈیلرز کے اضافی چکر اور فیس سے نجات ملے گی۔