ایف بی آر کا گریڈ 17 اور 18 کے افسروں سے اثاثوں کی تفصیلات طلب کرنے کا فیصلہ

فیڈرل بورڈ آف ریونیو (ایف بی آر) نے گریڈ 17 اور 18 کے تمام افسروں سے ان کے اثاثوں کی تفصیلات طلب کر لی ہیں۔ ایف بی آر کی جانب سے جاری خط میں کہا گیا ہے کہ افسروں کی ترقیوں کے لیے پروموشن کمیٹی کا اجلاس جلد ہونے والا ہے۔

خط کے مطابق افسران کو ہدایت کی گئی ہے کہ وہ 30 جون 2025 تک کے اپنے تمام اثاثوں کی مکمل تفصیل مقررہ وقت کے اندر ایف بی آر میں جمع کروائیں۔

ایف بی آر کا کہنا ہے کہ یہ اقدام بین الاقوامی مالیاتی فنڈ (آئی ایم ایف) کی شرائط پر عمل درآمد کو یقینی بنانے کے لیے کیا جا رہا ہے، تاکہ شفافیت اور احتساب کے نظام کو مزید مضبوط بنایا جا سکے۔