ذاتی باتیں اپنے شوہروں کے ساتھ شیئر نہ کریں: فضیلہ قاضی

معروف اداکارہ فضیلہ قاضی نے ایک نجی ٹی وی کے مارننگ شو میں گفتگو کرتے ہوئے خواتین کو مشورہ دیا ہے کہ وہ اپنی تمام ذاتی باتیں اپنے شوہروں کے ساتھ شیئر کرنے سے گریز کریں۔ ان کا کہنا تھا کہ بعض اوقات مرد ان باتوں کو یاد رکھتے ہیں اور کسی بھی اختلاف یا بحث کی صورت میں انہیں بطور طعنہ استعمال کرتے ہیں۔ فضیلہ قاضی نے اپنے ذاتی تجربے کا حوالہ دیتے ہوئے بتایا کہ انہوں نے بھی ایک بار کچھ باتیں شیئر کیں جو بعد میں بحث کے دوران دہرائی گئیں، جس سے انہوں نے یہ سبق سیکھا کہ ہر بات بتانا مناسب نہیں ہوتا۔ پروگرام کی میزبان ندا یاسر نے بھی اس بات کی تائید کرتے ہوئے میکے کے معاملات میں احتیاط برتنے کا مشورہ دیا ہے۔