کامن ویلتھ گیمز: ویمن باکسنگ میں پاکستان کی فاطمہ زاہرہ کوارٹر فائنل میں پہنچ گئیں

اسکاٹ لینڈ میں جاری کامن ویلتھ گیمز ۲۰۲۶ء کے ویمن باکسنگ مقابلوں میں پاکستان کے لیے اچھی خبر سامنے آئی ہے، جہاں قومی باکسر فاطمہ زاہرہ نے شاندار کارکردگی کا مظاہرہ کرتے ہوئے کوارٹر فائنل کے لیے کوالیفائی کر لیا ہے۔

خواتین کی ۶۰ کلوگرام ویٹ کیٹیگری میں فاطمہ زاہرہ نے لیسوتھو کی باکسر ریئل ایبوہا کو یکطرفہ مقابلے کے بعد ناک آؤٹ کیا۔ میچ کے دوران فاطمہ زاہرہ کی واضح اور جارحانہ برتری کو دیکھتے ہوئے ریفری نے مقابلہ روک کر پاکستانی باکسر کو فاتح قرار دے دیا۔ کوارٹر فائنل مرحلے میں فاطمہ زاہرہ کا سامنا نیوزی لینڈ کی باصلاحیت باکسر جارڈن ولسن سے ہوگا۔