کامن ویلتھ گیمز: پاکستان کی فاطمہ زاہرہ ویمنز باکسنگ کے کوارٹر فائنل میں پہنچ گئیں

سکاٹ لینڈ میں جاری کامن ویلتھ گیمز 2026 میں پاکستان کی خاتون باکسر فاطمہ زاہرہ نے شاندار کارکردگی کا مظاہرہ کرتے ہوئے ویمنز 60 کلوگرام کیٹیگری کے کوارٹر فائنل کے لیے کوالیفائی کر لیا ہے۔ ابتدائی مرحلے کے ایک طرفہ مقابلے میں فاطمہ زاہرہ نے لیسوتھو کی باکسر ریئل ایبوہا پر مکمل پیش قدمی اور مؤثر حملے جاری رکھے، جس پر ریفری نے مقابلہ قبل از وقت روک کر (RSC) پاکستانی باکسر کو فاتح قرار دے دیا۔ اس اہم کامیابی کے بعد کوارٹر فائنل میں فاطمہ زاہرہ کا مقابلہ نیوزی لینڈ کی باکسر جارڈن ولسن سے ہوگا، جو پاکستان کے لیے تمغے کی دوڑ میں انتہائی اہم ثابت ہو سکتا ہے۔