فاطمہ ثناء کا بگ بیش لیگ سے معاہدہ طے

پاکستان ویمنز کرکٹ ٹیم کی کپتان فاطمہ ثناء کا آسٹریلیا کی معتبر ویمنز بگ بیش لیگ (WBBL) کی ٹیم ’پرتھ اسکارچرز‘ کے ساتھ معاہدہ طے پا گیا ہے۔ پرتھ اسکارچرز نے فاطمہ ثناء کو آئندہ سیزن کے لیے اپنے سکواڈ میں شامل کر لیا ہے، جس کے بعد وہ پہلی بار بگ بیش لیگ میں جلوہ گر ہونے جا رہی ہیں۔ فاطمہ ثناء سابق کپتان ندا ڈار کے بعد ویمنز بگ بیش لیگ میں معاہدہ حاصل کرنے والی دوسری پاکستانی خاتون کرکٹر بن گئی ہیں۔

فاطمہ ثناء کے کیریئر میں یہ ایک اور اہم سنگِ میل ہے، اس سے قبل وہ رواں برس انگلینڈ کے معروف ایونٹ ’دی ہنڈرڈ‘ اور ’کینیڈا سپر 60‘ ٹورنامنٹ میں شرکت کرنے والی پہلی پاکستانی خاتون کھلاڑی بننے کا اعزاز بھی حاصل کر چکی ہیں۔ واضح رہے کہ ویمنز بگ بیش لیگ کے نئے سیزن کا باقاعدہ آغاز 29 اکتوبر سے آسٹریلیا میں ہو رہا ہے۔