پاکستان انڈر 19 ٹیم انگلینڈ میں اچھے نتائج کے لیے پرعزم ہیں، کپتان فرحان یوسف

پاکستان انڈر 19 کرکٹ ٹیم کے کپتان فرحان یوسف نے انگلینڈ دورے کے لیے کھلاڑیوں کی تیاریوں پر اطمینان کا اظہار کرتے ہوئے کہا ہے کہ تمام کھلاڑی پرجوش ہیں اور ٹیم سے اچھے نتائج کی امید ہے۔ انہوں نے بتایا کہ ملتان کی سخت اور مشکل کنڈیشنز میں بھرپور کیمپ کے بعد انگلش ماحول اور کنڈیشنز کے مطابق خصوصی تیاری کی گئی ہے، تاہم وہاں کے موسم سے جلد ہم آہنگ ہونا انتہائی اہم ہوگا۔ فرحان یوسف کا کہنا تھا کہ ٹیم میں بہترین ہم آہنگی موجود ہے اور تمام کھلاڑی سیریز کے لیے مکمل تیار ہیں۔ واضح رہے کہ پاکستان انڈر 19 ٹیم 2 سے 5 ستمبر تک ارنڈیل میں واحد یوتھ ٹیسٹ کھیلے گی، جس کے بعد 9 سے 16 ستمبر تک چار ایک روزہ میچز کی سیریز کھیلی جائے گی۔