فخر زمان کی اپیل مسترد،بال ٹمپرنگ پر2 میچز کی معطلی کی سزابرقرار

پاکستان کرکٹ بورڈ کی ٹیکنیکل کمیٹی نے بال ٹیمپرنگ کیس میں قومی کرکٹراورلاہور قلندرزکے اوپنر فخر زمان کی اپیل مسترد کر دی۔

فخر زمان نے اپنے اوپر عائد دو میچز کی پابندی کے خلاف اپیل دائر کی تھی، تاہم پی سی بی کی ٹیکنیکل کمیٹی نے میچ ریفری روشن ماہنامہ کافیصلہ برقرار رکھتے ہوئے اپیل کو مسترد کر دیا۔

فخر زمان پر پی سی بی کوڈ آف کنڈکٹ کے آرٹیکل 2.14 کی خلاف ورزی کا الزام عائد کیا گیا تھا، جس کے تحت ان پر دو میچز کی پابندی لگائی گئی۔

فیصلے کے مطابق فخر زمان اب ملتان سلطانز اور کوئٹہ گلیڈی ایٹرز کے خلاف آئندہ میچز میں شرکت نہیں کر سکیں گے۔