لڑکی کے پیٹ پر چھپا ٹرمپ کو جگانے کا ’بٹن‘، وائرل ویڈیو کی تفصیلات سامنے آگئیں

امریکی صدر ڈونلڈ ٹرمپ کے حوالے سے سوشل میڈیا پر تیزی سے وائرل ہونے والی ایک ویڈیو کا فیکٹ چیک سامنے آ گیا ہے، جس میں دعویٰ کیا جا رہا تھا کہ ان کے قریب کھڑی ایک خاتون اپنی ناف میں چھپے بٹن کو دبا کر سوئے ہوئے ٹرمپ کو دوبارہ جگاتی ہے۔ فیکٹ چیک رپورٹ کے مطابق یہ دعویٰ بالکل من گھڑت اور حقیقت سے برعکس ہے، جبکہ وائرل ویڈیو میں دکھائی دینے والی خاتون اور ناف میں ’بٹن‘ کا منظر جدید آرٹیفیشل انٹیلی جنس (AI) کی مدد سے تیار کر کے ایک پرانے انٹرنیٹ میم سے جوڑا گیا ہے۔

تحقیقات سے معلوم ہوا ہے کہ اس افواہ کی بنیاد ماضی کی ایک واقعی ویڈیو تھی جس میں ٹرمپ کے پیچھے اوہائیو کی ایک سپر مارکیٹ کے شریک مالک رون گراف سینئر (Ron Graff Sr) کھڑے دکھائی دیے تھے۔ ان کی ناف غیر معمولی طور پر ابھری ہوئی تھی جس پر سوشل میڈیا صارفین نے مزاحیہ ٹویٹس کا سلسلہ شروع کیا تھا۔ تاہم، ان کے اہل خانہ اور ڈاکٹروں کی وضاحت کے مطابق رون گراف کو دراصل ‘امبلیکل ہرنیا’ (Umbilical Hernia) کا طبی مسئلہ تھا جس کی وجہ سے ان کی ناف باہر ابھری ہوئی نظر آتی تھی، نہ کہ وہاں کوئی خفیہ ڈیوائس یا ٹرمپ کو جگانے والا بٹن نصب تھا۔