انگلینڈ میں گراس روٹس کلب رگبی سیزن کا آغاز مؤخر کر دیا گیا

انگلینڈ کے دو تہائی حصے میں شدید خشک سالی کی صورتحال کے باعث گراس روٹس کلب رگبی سیزن کا آغاز مؤخر کر دیا گیا ہے۔ برطانوی میڈیا کے مطابق سخت اور خشک گراؤنڈز کی وجہ سے کھلاڑیوں کے شدید زخمی ہونے کا خدشہ ظاہر کیا گیا تھا، جس کے پیش نظر رگبی فٹ بال یونین (آر ایف یو) نے سیزن کے آغاز کو 5 ستمبر کے بجائے 21 ستمبر تک ملتوی کرنے کی ہدایت کی ہے۔ اس کے علاوہ کاؤنٹی لیگ کے 12 ستمبر کے میچز کو بھی مؤخر کیا جا سکتا ہے۔ آر ایف یو نے کھلاڑیوں کی حفاظت کے پیش نظر فل کنٹیکٹ ٹریننگ کم کرنے، پچز کا روزانہ معائنہ کرنے اور ٹرائی سکور کرتے وقت کھلاڑیوں کو ڈائیو نہ مارنے کی ہدایت جاری کی ہے۔