بھارت: 30 فٹ گہرے کنویں میں گرنے والے ہاتھی کو انوکھے طریقے سے نکال لیا گیا

بھارتی ریاست اڑیسہ کے جنگلات میں ایک نر ہاتھی 30 فٹ گہرے کنویں میں گر گیا، جس پر کیونجھر محکمہ جنگلات، فائربریگیڈ اور محکمہ پولیس کی ٹیم نے فوری ریسکیو آپریشن شروع کیا۔

رپورٹس کے مطابق انتظامیہ نے ہاتھی کو نکالنے کے لیے آرکیمیڈیز کے اصول کا انوکھا طریقہ اپنایا، جس کے مطابق جب کسی چیز کو پانی میں ڈبویا جاتا ہے تو وہ تیرنے لگتی ہے۔ریسکیو ٹیم نے دو بڑے پائپ استعمال کرتے ہوئے کنویں کو پانی یا دیگر مواد سے بھرنا شروع کیا، جس سے ہاتھی اوپر تیرتا ہوا باہر آ گیا۔سوشل میڈیا پر ہاتھی کو بچانے کی ویڈیوز وائرل ہو گئی ہیں اور صارفین نے بے زبان جانور کی مدد کرنے والے حکومتی اور ریسکیو ٹیم کی تعریف کی ہے۔