یو ایس اوپن ٹینس: ورلڈ نمبر ون سبالینکا کو شکست، ایلینا ریباکینا نے ٹائٹل جیت لیا

قازقستان کی نامور ٹینس اسٹار ایلینا ریباکینا نے سنسنی خیز مقابلے کے بعد بیلاروس کی عالمی نمبر ایک ٹینس کھلاڑی ارینا سبالینکا کو شکست دے کر یو ایس اوپن ٹینس کا ٹائٹل اپنے نام کر لیا ہے۔ میڈیا رپورٹس کے مطابق فائنل مقابلے میں ایلینا ریباکینا نے اپنے زبردست کھیل اور بہترین حکمتِ عملی کی بدولت ارینا سبالینکا کو 1-2 سیٹس سے شکست دے کر یہ گرینڈ سلم ٹرافی حاصل کی۔

دوسری جانب، مسلسل تیسری بار یو ایس اوپن فائنل میں ناکامی کی مایوسی کے باعث سبالینکا نے کورٹ پر ہی غصے میں اپنا ریکٹ توڑ دیا اور کیمرہ آپریٹر کے ساتھ بھی بدتمیزی کی، جس کے نتیجے میں ان پر بھاری جرمانے کا امکان ظاہر کیا جا رہا ہے۔ ریکٹ توڑنے پر 50 ہزار ڈالر جبکہ دیگر دو قواعد کی خلاف ورزیوں کی پاداش میں ان پر مجموعی طور پر 70 ہزار ڈالر تک جرمانہ عائد کیا جا سکتا ہے۔ اس واقعے پر ردِعمل دیتے ہوئے سبالینکا کا کہنا تھا کہ گرینڈ سلم فائنل ہارنے کے بعد جذبات کو قابو میں رکھنا انتہائی مشکل تھا اور انہوں نے ریکٹ توڑ کر اپنی اندرونی مایوسی کا اظہار کیا۔