پنجاب کے تعلیمی اداروں میں چھٹیوں میں توسیع سے متعلق وزیر تعلیم کی وضاحت

پنجاب کے وزیر تعلیم رانا سکندر حیات نے صوبے کے تعلیمی اداروں میں چھٹیوں میں توسیع سے متعلق جاری افواہوں کی وضاحت کرتے ہوئے انہیں مسترد کر دیا ہے۔

وزیر تعلیم کا کہنا ہے کہ اسکولوں اور کالجوں کی چھٹیوں میں کسی قسم کا اضافہ نہیں کیا گیا اور تمام تعلیمی ادارے اعلان کردہ شیڈول کے مطابق ہی کھلیں گے۔ ان کے مطابق صوبے بھر کے تمام اسکولز اور کالجز 12 جنوری سے معمول کے مطابق کھل جائیں گے۔

رانا سکندر حیات نے والدین، طلبہ اور اساتذہ سے اپیل کی کہ وہ افواہوں پر کان نہ دھریں اور صرف مستند ذرائع سے دی جانے والی معلومات پر ہی اعتماد کریں۔