وزیراعلیٰ پنجاب کی امریکی اعلیٰ سطحی کاروباری وفد کو سرمایہ کاری کی دعوت

وزیراعلیٰ پنجاب مریم نواز نے اعلیٰ سطحی امریکی کاروباری وفد کو پنجاب میں سرمایہ کاری کی دعوت دیتے ہوئے اعلان کیا ہے کہ صوبائی حکومت “زیرو ٹائم ٹو سٹارٹ” پالیسی پر عمل پیرا ہے تاکہ بیوروکریٹک رکاوٹوں کا خاتمہ کر کے فوری کاروبار کے آغاز کو ممکن بنایا جا سکے۔ لاہور میں امریکی وفد سے خطاب کرتے ہوئے انہوں نے کہا کہ پنجاب پاکستان کی معیشت کا سب سے بڑا محرک ہے جو قومی GDP میں 55.7 فیصد، زراعت میں 57.5 فیصد اور مینوفیکچرنگ میں 48 فیصد حصہ ڈالتا ہے۔ وزیراعلیٰ نے بتایا کہ آئندہ 03 سالوں کے دوران 7.1 ارب ڈالر کی سرمایہ کاری متحرک کرنے کا ہدف مقرر کیا گیا ہے جس میں 3.9 ارب ڈالر سرکاری اور 3.2 ارب ڈالر نجی شعبے کا ہوگا؛ مزید برآں سرمایہ کاروں کے لیے 10 سالہ انکم ٹیکس چھوٹ اور 15 سے زائد ریگولیٹری اداروں کو ایک ہی ڈیجیٹل پلیٹ فارم پر لانے جیسی تاریخی مراعات دی جا رہی ہیں۔