ایف بی آر نے جولائی میں ہدف سے 40 ارب روپے زائد ٹیکس وصول کر لیا

فیڈرل بورڈ آف ریونیو (ایف بی آر) نے جولائی 2026 کے دوران شاندار کارکردگی کا مظاہرہ کرتے ہوئے اپنے طے شدہ ہدف سے 40 ارب روپے زائد ٹیکس وصول کیا ہے۔ ایف بی آر کی دستاویزات کے مطابق جولائی کے لیے ٹیکس وصولیوں کا مجموعی ہدف 780 ارب روپے مقرر کیا گیا تھا، جبکہ ادارے نے 820 ارب روپے کی خالص وصولیاں حاصل کی ہیں۔

دستاویزات کے مطابق مجموعی طور پر 918 ارب روپے کا ٹیکس ریونیو جمع کیا گیا، جس میں سے 98 ارب روپے مختلف مدات میں ریفنڈز کی صورت میں واپس کیے گئے۔ مدات کے لحاظ سے جائزہ لیا جائے تو انکم ٹیکس کی خالص وصولیاں 308 ارب روپے رہیں، جبکہ سیلز ٹیکس کی مد میں 413 ارب روپے جمع ہوئے جن میں سے 53 ارب روپے ریفنڈ جاری کیے گئے۔

علاوہ ازیں، فیڈرل ایکسائز ڈیوٹی (FED) کی مد میں 48 ارب روپے وصول ہوئے جو کہ 47 ارب روپے کے مقررہ ہدف سے زیادہ رہے۔ اسی طرح کسٹمز ڈیوٹی کی وصولیاں بھی مثبت رہیں، جہاں جولائی کے دوران 115 ارب روپے جمع کیے گئے جو کہ 105 ارب روپے کے مقررہ ہدف سے 10 ارب روپے زائد ہیں۔