کشمیر کی حکومت و مستقبل کے فیصلے کشمیری عوام خود کریں: بلاول بھٹو زرداری

پاکستان پیپلز پارٹی (PPP) کے چیئرمین بلاول بھٹو زرداری نے کشمیر کے مستقبل اور حکومت کا فیصلہ خود کشمیری عوام کے سپرد کرنے کا پرزور مطالبہ کیا ہے۔ آزاد کشمیر کے عوام کے نام جاری کیے گئے اپنے خصوصی ویڈیو پیغام میں بلاول بھٹو زرداری نے کہا کہ وہ کشمیریوں کو تمام بنیادی حقوق بالخصوص حقِ حاکمیت اور ووٹ کی حرمت دلوانا چاہتے ہیں۔ انہوں نے مطالبہ کیا کہ پاکستان کے جن قومی اداروں میں کشمیر کے پانی، بجلی اور بجٹ سے متعلق فیصلے کیے جاتے ہیں، وہاں کشمیر کی اپنی کرسی اور مؤثر آواز ہونی چاہیے۔ چیئرمین پی پی پی نے کشمیر کے شہریوں پر زور دیا کہ وہ 02 اگست کے انتخابات میں اپنے حقِ حاکمیت کے لیے ‘تیر’ کے نشان پر مہر لگائیں تاکہ کشمیر کے فیصلے خود کشمیری کر سکیں۔