امریکا اسرائیل کے ساتھ حالیہ جنگ میں ایران کامیاب رہا: باقر قالیباف

ایرانی پارلیمنٹ کے اسپیکر اور چیف مذاکرات کار باقر قالیباف نے دعویٰ کیا ہے کہ امریکہ اور اسرائیل کے ساتھ حالیہ جنگ میں ایران کامیاب رہا ہے، تاہم اس میدانِ جنگ کی کامیابی کو اب سیاسی، قانونی اور سفارتی سطح پر بھی مستحکم کرنا لازمی ہے۔ تہران میں اپنے بیان کے دوران انہوں نے زور دیا کہ دنیا کو ایران کی اس فتح کو تسلیم کرنا ہوگا اور ملک کو درپیش چیلنجز کا مقابلہ کرنے کے لیے قومی اتحاد، یکجہتی اور قیادت کے گرد اتفاقِ رائے ناگزیر ہے۔ باقر قالیباف نے مزید کہا کہ جنرل قاسم سلیمانی کی شہادت کے بعد سے ایران کی اعلیٰ قیادت مسلسل ‘مضبوط ایران’ کے بیانیے پر کاربند ہے، اور اس مقصد کے حصول کے لیے ہر ایرانی، ہر خاندان اور پورے معاشرے کا بااختیار اور متحد ہونا ضروری ہے۔