گرلز ہاکی ٹیموں کے تربیتی کیمپ کیلئے ڈچ کوچز کی پاکستان آمد

پاکستان کی گرلز ہاکی ٹیموں کے تربیتی کیمپ کی نگرانی کے لیے دو بین الاقوامی ڈچ کوچز پاکستان پہنچ گئے ہیں۔ نیدرلینڈز سے تعلق رکھنے والے کوچز رچرڈ سنائیر (Richard Snijder) اور رابرٹ جسٹس (Robert Justus) پاکستان کی گرلز ہاکی ٹیموں کے خصوصی تربیتی کیمپ میں کھلاڑیوں کو جدید تکنیک اور تربیت فراہم کریں گے۔

پاکستان ہاکی فیڈریشن (PHF) نے ڈچ کوچز کی پاکستان آمد پر ان کا گرمجوشی سے خیرمقدم کیا۔ پی ایچ ایف حکام کا کہنا ہے کہ ان تجربہ کار کوچز کی خدمات سے پاکستان میں خواتین ہاکی کے فروغ، نچلی سطح پر کھلاڑیوں کی گرومنگ اور عالمی معیار کے مطابق تربیت میں اہم پیشرفت ہوگی۔ رچرڈ سنائیر اور رابرٹ جسٹس کی دیکھ بھال میں یہ کیمپ گرلز ہاکی ٹیم کو مستقبل کے بین الاقوامی مقابلوں کے لیے تیار کرنے میں کلیدی کردار ادا کرے گا۔