ڈولی سنگھ نے فوٹو شوٹ کیلئے بھنویں صاف کروائیں، مداح حیران

بھارتی اداکارہ اور کونٹینٹ کری ایٹر ڈولی سنگھ نے اپنے فوٹو شوٹ کے لیے اپنی بھنویں صاف کروادیں، جس کے بعد مداح ان کے نئے روپ دیکھ کر حیران رہ گئے۔

ڈولی سنگھ نے انسٹاگرام پر اپنی نئی ویڈیو شیئر کی، جو تیزی سے وائرل ہو رہی ہے، جس میں انہیں بغیر بھنوؤں کے ایک منفرد اور حیران کن لک میں دیکھا جا سکتا ہے۔

انسٹاگرام اسٹوری میں ڈولی سنگھ نے کہا کہ وہ ہمیشہ جاننا چاہتی تھیں کہ بغیر بھنوؤں کے کیسی لگیں گی، اور یہ تجربہ مزے اور کری ایٹیویٹی کے لیے کیا۔ ابتدا میں وہ گھبرا گئی تھیں کہ لوگ کیا کہیں گے، مگر بعد میں سوچا کہ زندگی میں مستی اور تجربات رکنے نہیں چاہئیں، اور لوگوں کی رائے پر بہت زیادہ توجہ نہیں دینی چاہیے۔

ان کے اس منفرد روپ نے سوشل میڈیا پر مداحوں کی توجہ حاصل کر لی اور ویڈیو پر ہزاروں لائکس اور تبصرے آرہے ہیں۔