تھانہ یارک پر دہشت گردوں کا حملہ ناکام بنا دیا ، ڈی پی او ڈیرہ اسماعیل خان
Web Desk
4 July 2026
ڈیرہ اسماعیل خان کے علاقے تھانہ یارک پر رات گئے دہشت گردوں نے تین اطراف سے چھوٹے اور بڑے ہتھیاروں سے شدید حملہ کیا، تاہم تھانے میں تعینات پولیس اہلکاروں کی بروقت، مستعد اور مؤثر جوابی کارروائی کے باعث دہشت گردوں کا یہ مذموم حملہ مکمل طور پر ناکام بنا دیا گیا ہے۔
پولیس ترجمان کے مطابق، تھانے میں موجود جوانوں نے کمال بہادری کا مظاہرہ کرتے ہوئے حملہ آوروں پر بھرپور جوابی فائرنگ کی۔ فائرنگ کا یہ تبادلہ تقریباً 40 منٹ تک جاری رہا، جس کے بعد دہشت گرد رات کے اندھیرے کا فائدہ اٹھاتے ہوئے فرار ہونے پر مجبور ہو گئے۔ خوش قسمتی سے اس شدید مقابلے میں پولیس کا کسی قسم کا جانی یا مالی نقصان نہیں ہوا۔
حملے کی اطلاع ملتے ہی پولیس کی بھاری نفری، البرق فورس، محکمہ انسدادِ دہشت گردی (CTD) اور ریپڈ ریسپانس فورس کے دستے فوری طور پر تھانہ یارک پہنچ گئے اور فرار ہونے والے دہشت گردوں کی تلاش کے لیے علاقے میں بڑے پیمانے پر سرچ آپریشن کا آغاز کر دیا گیا۔ سکیورٹی صورتحال کے پیشِ نظر ڈی آئی خان-پشاور روڈ کو بھی عارضی طور پر ہر قسم کی ٹریفک کے لیے بند کر دیا گیا ہے، جس کے باعث علاقے میں خوف و ہراس پھیل گیا۔
ڈسٹرکٹ پولیس آفیسر (DPO) ڈیرہ اسماعیل خان، ضیاء الدین احمد نے تھانے میں تعینات اہلکاروں کی بہادری اور بروقت کارروائی کو دل کھول کر سراہا اور انہیں شاباش دی۔ ڈی پی او کا کہنا تھا کہ پولیس جوانوں کی مستعدی کے باعث دہشت گرد اپنے ناپاک عزائم حاصل کرنے میں ناکام رہے۔
واضح رہے کہ چند ماہ قبل بھی شرپسندوں کی جانب سے تھانہ یارک کو نشانہ بنایا گیا تھا، جس میں ایک پولیس اہلکار شہید ہوا تھا، اور فرار ہوتے ہوئے شرپسندوں نے قریبی کسٹم چیک پوسٹ پر بھی حملہ کیا تھا جس میں دو اہلکار زخمی ہوئے تھے۔
متعلقہ عنوانات
بلوچستان میں امن، خوشحالی، پائیدار ترقی کیلئے پاک فوج کا غیر متزلزل عزم برقرار ہے: فیلڈ مارشل
19 November 2026
عالمی امن کیلئے باہمی تعاون پر مبنی سلامتی پالیسی ناگزیر ہے، وزیر دفاع
19 November 2026
تقسیم اور لوگوں کو آپس میں لڑانے کی کوششیں ناقابل قبول ہیں: مراد علی شاہ
19 November 2026
بلاول بھٹو کے بیان پر وفاقی وزرا کی چیخیں نکل رہی ہیں: سعید غنی
19 November 2026
تعلیم حکومتوں کی ترجیح نہیں، تعلیمی نظام تباہ ہو رہا ہے: حافظ نعیم الرحمان
19 November 2026
وزیراعلیٰ پنجاب نے صوبے میں پنچائیت نظام کی اصولی منظوری دیدی
18 November 2026
میڈ اِن رشیا فورم میں شریک پاکستانی تجارتی وفد کے اعزاز میں سفیر پاکستان کا خصوصی عشائیہ
18 November 2026
معاشی استحکام اور برآمدی مسابقت پائیدار ترقی کیلئے ضروری ہے: گورنر سٹیٹ بینک
18 November 2026