امریکی شہری کے گھر میں گھسا ہرن 2 دن تک تہہ خانے میں پھنسا رہا

امریکی ریاست وسکونسن میں مالک کی غیر موجودگی کے دوران ایک ہرن کھڑکی توڑ کر گھر میں داخل ہو گیا اور دو دن تک تہہ خانے میں پھنسا رہا۔ غیر ملکی خبر ایجنسی کے مطابق اطلاع ملنے پر ریسکیو حکام نے موقع پر پہنچ کر آپریشن کیا اور ہرن کو جال کی مدد سے قابو میں لے کر محفوظ طریقے سے قدرتی ماحول میں چھوڑ دیا۔ حکام کا کہنا ہے کہ ہرن کو کوئی شدید چوٹ نہیں آئی، تاہم اس نے تہہ خانے میں خاصی افراتفری پھیلا دی تھی۔ اسی نوعیت کا واقعہ چند ہفتے قبل امریکی ریاست مشیگن میں بھی پیش آ چکا ہے۔