امریکا: ٹھوڑی پر سیڑھی سنبھالنے کا انوکھا ریکارڈ

امریکی ریاست آئیڈاہو سے تعلق رکھنے والے سیریل گینیز ورلڈ ریکارڈ شکن ڈیوڈ رش نے اپنی تازہ ترین کوشش میں اپنی ٹھوڑی پر سیڑھی کا توازن 19 منٹ اور 11 سیکنڈ تک قائم کر کے اپنا ریکارڈ واپس لے لیا۔

ڈیوڈ رش نے اس سے قبل 2016 میں 5 منٹ اور 31 سیکنڈ تک سیڑھی کا توازن قائم کر کے اپنا 10 واں گینیز ورلڈ ریکارڈ بنایا تھا۔ 2018 میں انہوں نے یہ مدت 11 منٹ تک بڑھائی تھی۔

بعد ازاں ایک شخص نے تقریباً 18 منٹ تک سیڑھی کا توازن قائم کر کے یہ ریکارڈ توڑ دیا تھا، جسے ڈیوڈ رش نے حالیہ کوشش میں 19 منٹ اور 11 سیکنڈ کے ساتھ دوبارہ حاصل کیا۔

ڈیوڈ رش نے ایک ویب سائٹ پر بتایا کہ اسٹاپ واچ میں کچھ مسئلے کی وجہ سے اصل وقت 19 منٹ اور 13 سیکنڈ ہونا چاہیے تھا، لیکن تکنیکی اعتبار سے ان کے دو سیکنڈ کم دکھائے گئے۔