ایرانی حملے: سٹار فٹبالر رونالڈو ریاض سے میڈرڈ روانہ ہوگئے

مشرقِ وسطیٰ میں ایران اور اسرائیل کے درمیان حالیہ فوجی کارروائیوں کے بعد اسٹار فٹ بالر کرسٹیانو رونالڈو نے سعودی عرب چھوڑ دیا ہے۔ برطانوی اخبار کی رپورٹ کے مطابق، رونالڈو کا 61 ملین پاؤنڈ مالیت کا نجی طیارہ گزشتہ رات 8 بجے ریاض سے روانہ ہوا اور تقریباً 5 گھنٹے کی مسافت کے بعد میڈرڈ (اسپین) پہنچ گیا۔ فلائٹ ٹریکر کے اعداد و شمار ظاہر کرتے ہیں کہ طیارے نے مصر اور بحیرہ روم کے اوپر سے محفوظ راستہ اختیار کیا۔ اگرچہ رونالڈو ریاض میں اپنی اہلیہ اور پانچ بچوں کے ساتھ مقیم ہیں، تاہم ابھی یہ واضح نہیں ہو سکا کہ ان کا خاندان بھی اس پرواز میں ان کے ہمراہ تھا یا نہیں۔